Azərbaycan Futzal Federasiyası

XƏBƏRLƏR

“Kimsə yekun nəticəni indidən deyə bilməz”
UEFA Çempionılar Liqasının əsas mərhələsi çərçivəsində bu gün “Uraqan”la keçirilmiş oyundan sonra “Araz-Naxçıvan”ın baş məşqçisi Joze Alesio Da Silvanın açıqlaması:
Uraqan - Araz-Naxçıvan (fotoreportaj)
İlk oyunda məğlubiyyət
“Araz-Naxçıvan” UEFA Çempionlar Liqasının əsas mərhələsində bu gün ilk oyununa çıxıb. Təmsilçimiz Ukrayna çempionu “Uraqan”la üz-üzə gəlib. Xətai Bağırov cəzalı olduğuna görə, təşkilatçı ölkənin təmsilçisi ilə dueli buraxmalı olub. Peşəkar Bədən Tərbiyəsi Kollecində keçirilən oyunun 2-ci dəqiqəsində Amir hesabı açmağa yaxın oldu. Təəssüf ki, müdafiəçinin zərbəsindən sonra top meydanı tərk etdi. 5-ci dəqiqədə Maneka status-kvonu pozmaq şansını qaçırdı. Əvəzində təzyiqi tədricən artıran meydan sahibləri 10-cu dəqiqədə Nazar Şvedlə toru silkələdi. 16-cı dəqiqədə Ukrayna çempionu üstünlüyünü 2 topa çatdırdı. Bu dəfə Farenyuk qapımıza yol tapdı. İkinci hissədə qol vurmaq növbəsi “Araz-Naxçıvan”a keçdi. Bu dəfə İsanın ideal ötürməsini Çovdarov boş qapıdan keçirməklə fərqi minimuma endirdi. Qrupda keçirilmiş digər oyunda Kosova çempionu “Liqeni” Rumıniya təmsilçisi “Yunayted Galati”ni məğlub edib-6:4.
Uraqan - Araz - Naxçıvan: Start heyətlər
Bu gün UEFA Çempionlar Liqasının əsas mərhələsində ilk oyununu keçirəcək "Uraqan"la "Araz-Naxçıvan"ın start heyətlərini diqqətinizə çatdırırıq:
Oyun CBC Sportla yayımlanacaq
Bu gün UEFA Çempionlar Liqasının əsas mərhələsi çərçivəsində keçiriləcək “Uraqan” (Ukrayna) – “Araz-Naxçıvan” (Azərbaycan) oyunu CBC Sport kanalı vasitəsilə canlı yayımlanacaq. Oyun Bakı vaxtı ilə saat 20:00-da başlayacaq.
“Araz-Naxçıvan” bu gün mübarizəyə başlayır
UEFA Çempionlar Liqasının əsas mərhələsindəki təmsilçimiz “Araz-Naxçıvan” bu gün mübarizəyə başlayır. Təmsilçimiz ilk oyunda Ukrayna çempionu “Uraqan”la qarşılaşacaq. Görüş Bakı vaxtı ilə saat 20:00-da başlayacaq. Zədəli olduğuna görə İsaq Surğalı və Rizvan Fərzəliyev komandamıza kömək edə bilməyəcək. "Araz-Naxçıvan"ın itkiləri bununla yekunlaşmır. Hazırda komandanın düşərgəsində olan Xətai Bağırov da bu oyunda meydana çıxa bilməyəcək. O, ilkin mərhələnin "Raba" ilə keçirilən son görüşündə qırmızı vərəqə aldığına görə cəzalıdır.
İkinci Liqa, IV tur: Təyinatlar
İkinci Liqada IV turun oyunlarına təyinatlar açıqlanıb. Oktyabrın 31-də bütün qarşılaşmalar Bakı İdman Sarayında keçiriləcək.
“Hətta belə qarşılaşmaları “kilid matç” da adlandırırlar”
Sabah UEFA Çempionlar Liqasının əsas mərhələsi çərçivəsində ilk oyununa çıxacaq “Araz-Naxçıvan” “Uraqan”la qarşılaşacaq. Təmsilçimiz Ukrayna çempionu ilə matçın son hazırlığını yekunlaşdırıb və baş məşqçi Joze Alesio Da Silva komandanın vəziyyəti, eləcə də rəqib haqda azfutzal.az-a açıqlama verib: