Azərbaycan Futzal Federasiyası

LİQALAR

U-19 yenə minimal hesabla yenildi
Birinci Liqada XVIII tura start verilib. Bakı İdman Sarayında keçirilmiş turun ilk matçında “Standard” çətin qələbə qazanıb. Liderlər qrupunda yer alan və təcrübəli futzalçılardan qurulmuş komanda U-19-u 1 top fərqi ilə üstələyib. Günün yeganə böyükhesablı qələbəsini “Baku Fans” aktivinə yazdırıb. AZMİU və “Metropoliten” də xal ehtiyatını zənginləşdirib.
YL: EKOL - Yasamal İSK 13:2 (fotoreportaj)
Sürprizsiz tur....
Bu gün Yüksək Liqada XVIII turun oyunları keçirilib. Açılış matçında əsasən legioner futzalçılardan təşkil edilmiş 2 komanda üz-üzə gəlib. Qış fasiləsindən sonra iki texniki məğlubiyyətlə barışmalı olan “Yasamal MFK Baku” meydana çıxdığı ilk qarşılaşmanı böyük hesabla uduzub. Ardıcıl qələbələ qazanan “Xəzər Cənub” isə xal ehtiyatını artırıb. Səcəd Nəsihi 4 qol vurmaqla qələbədə əsas pay sahibi olub. İkinci oyunda iddialı EKOL turnir cədvəlinin son pilləsində yer almış “Yasamal” İSK-nı sınağa çəkib. Qış fasiləsindən sonra daha yaxşı təsir bağışlayan “Yasamal” güclü rəqibi qarşısında fərqin artmasına mane ola bilməyib. Bombardirlər yarışında yer alan Namiq Məmmədkərimov het-trik etməklə yadda qalıb. Turun son oyununda lider “Araz” yaxşı günlərini yaşamayan “Liman”la üz-üzə gəlib. 12-ci dəqiqəyə qədər cəmi 1 top buraxn debütant 10 saniyə fərqlə topu tordan 2 dəfə çıxarıb. “Araz” sonrakı dəqiqələrdə oyundakı üstünlüyünü hesabda da əks etdirib.
YL: Yasamal MFK Baku - Xəzər Cənub 0:6 (fotoreportaj)
Bu dəfə dördü...
Bazar günü İkinci Liqada növbəti - XXII turun oyunları keçiriləcək. Bakı İdman Sarayında baş tutacaq turun oyunlarını 4 futzalçı buraxacaq.
10 futzalçını gözləyən təhlükə
Sabah Birinci Liqada XVIII turun oyunları start götürəcək. Sarı vərəqə limitinə görə turu buraxan oyunçu olmasa da, təhlükəli zonanın bir addımlığında qərarlaşanlar var. Belə ki, 10 futzalçının passivində sarı vərəqə var.
Zirvədəkilərə kimlər yaxınlaşır?
Yüksək Liqada bombardirlərin yarışında qış fasiləsindən sonra dəyişiklik yoxdu. Daha doğrusu ilk “3-lük”də yer alanlar son turda fərqlənməsələr də, onları narahat edənn yoxdu. Bəs aradakı fərq nə qədərdi?
Çovdarov EKOL-u kənardan izləyəcək
Fevralın 15-də Yüksək Liqada XVIII turun oyunları keçiriləcək. EKOL “Yasamal” İSK ilə matça tam heyətlə çıxa bilməyəcək. Belə ki, qış fasiləsində bu komandaya transfer olunan Ramiz Çovdarov “Xəzər Cənub”la oyunda sarı vərəqə aldığına görə cəzalı duruma düşüb. Belə ki, millinin də üzvü olan futzalçının passivində buna qədər 3 sarı var idi. O, “Araz”da çıxış edən zaman 3 sarı vərəqəni passivinə yazdırmışdı.