Azərbaycan Futzal Federasiyası

UEFA ÇEMPİONLAR LİQASI

Qrup mərhələsinə bu ölkələr ev sahibliyi edəcək
“Araz” mübarizəyə ilkin mərhələdən başlayacaq
UEFA Çempionlar Liqasında ölkəmizi təmsil edəcək “Araz-Naxçıvan” klubu mübarizəyə ilkin mərhələdən başlayacaq. UEFA bu gun ilkin mərhələdə iştirak edəcək klubların siyahısını açıqlayıb. Əsas mərhələyə vəsiqə uğrunda 32 komanda gücünü sınayacaq. İlkin mərhələnin püşkü iyulun 7-də, saat 16:00-da atılacaq. Oyunlar isə avqustun 20-dən 25-dək keçiriləcək. Reqlamentə əsasən, komandalar hər birində 4 iştirakçı olmaqla 8 qrupda mübarizə aparacaq. Yalnız qrup qalibləri və ikinci pilləni tutmuş ən yaxşı göstəriciyə malik bir komanda (ümumilikdə 9 komanda) əsas mərhələyə vəsiqə qazanacaq və 23 komandaya qoşulacaq. Əsas mərhələnin püşkü isə avqustun 30-da atılacaq. Oyunlar bu il oktyabrın 26-dan 31-dək keçiriləcək. Ümumilikdə isə builki Çempionlar Liqasında 51 federasiyadan 55 klub qatılacaq.
UÇL-nın püşkü atılacaq
Xəbər verdiyimiz kimi, bu gün Azərbaycan Futzal Federasiyasının İcraiyyə Komitəsi ölkəmizi UEFA Çempionlar Liqasının 2021/2022-ci il mövsümündə təmsil edəcək klubu müəyyənləşdirib. “Araz”ın növbəti dəfə iştirakçısı olacağı yarışın püşkü iyulun 7-də atılacaq. Püşkatmada ilkin və əsas mərhələdə mübarizə aparacaq klublar rəqibləri ilə tanış olacaqlar. Əvvəlcədən də bildirildiyi kimi, 4 ölkə - İspaniya, Portuqaliya, Rusiya və Qazaxıstan hərəyə 2 təmsilçi ilə mübarizə aparacaq. Son qalib “Sportinq” də daxil olmaqla həmin 8 klub yüksək reytinqə malik olduqlarından, onlar əsas mərhələdən yarışa qoşulacaqlar.
“Sportinq” ÇL-nin qalibi olub
UEFA Çempionlar Liqasının final oyunu keçirilib. Xorvatiyanın Zadar şəhərində baş tutan həlledici qarşılaşmada “Sportinq” və “Barselona” komandaları qarşılaşıb. Görüş Portuqaliya təmsilçisinin 4:3 hesablı qələbəsi ilə yekunlaşıb.
Final Zadarda keçiriləcək
UEFA Çempionlar Liqasının 2020/2021-ci il mövsümünün final mərhələsinin keçiriləcəyi məkanı dəyişib. Oyunlar aprelin 28-dən martın 3-dək Xorvatiyanın Zadar şəhərindəki "Kreşimir Koşiç Arena"da keçiriləcək.
UEFA İcraiyyə Komitəsinin qərarı
Belarusdakı epidemoloji və ölkəyə mövcud səyahət məhdudiyyətlərini nəzərə alaraq 2020/2021-ci il Futzal üzrə Çempionlar Liqasının final mərhələsinin Belarusdan alınaraq Xorvatiyaya verilməsi barədə qərar qəbul edib. UEFA Futzal üzrə Çempionlar Liqasının final mərhələsi aprelin 28-dən mayın 3-dək Zaqrebdə təşkil olunacaq.
"Araz" mübarizəni dayandirib
UEFA Çempionlar Liqasında ilkin mərhələnin oyunları keçirilib.
"Araz"ın rəqibi müəyyənləşib
Bu gün UEFA Çempionlar Liqasının 2020/2021-ci il mövsümünün ilkin mərhələsinin püşkü atılıb.