UEFA ÇEMPİONLAR LİQASI
-
“Araz” Belçikada
UEFA Çempionlar Liqasında ölkəmizi təmsil edəcək “Araz” klubu qrup oyunlarının keçiriləcəyi Belçikaya yollanıb. Bakı-İstanbul-Brüssel reysi ilə Belçikanın paytaxtına çatan son çempion Halle şəhərinə qədər avtobusla təxminən 1 saatlıq yol qət edib. “Horizon” hotelində məskunlaşan təmsilçimiz bu gün oyunöncəsi məşqini yerli vaxtla saat 20:00-da (Bakı vaxtı ilə 22:00) start götürəcək.
Qeyd edək ki, “Araz” ilk oyununu sabah təşkilatçı ölkənin çempionuna qarşı keçirəcək. “De Bres Arena”da “Halle Gooik”lə matç saat 22:30-da başlayacaq.
-
“Araz” iştirak ərizəsini UEFA-ya göndərdi
UEFA Çempionlar Liqasında iştirak edəcək “Araz” oyunçuların siyahısını qitənin ali futbol qurumuna göndərib. Təmsilçimiz 13 futzalçı ilə mübarizə aparacaq.
-
“Araz”ın oyunlarının təqvimi
UEFA Çempionlar Liqasında çıxış edəcək “Araz”ın oyunlarının təqvimi müəyyənləşib. Belçikada keçiriləcək qrup oyunlarında təmsilçimiz rəqibləri ilə bu ardıcıllıqla görüşəcək:
-
Statistika həvəskarları üçün
Klublarımızın futzal üzrə UEFA kubokundakı macərası 2001-ci ildən başlayır. İlk dəfə qitəmiqyaslı yarışa Turan AİR ayaq açıb. Qrupda keçirdiyi ilk oyunda məğlub olan Elman Ələkbərovun yetirmələri sonrakı iki oyunda qələbəyə sevinib. Maraqlıdır ki, İtaliyada keçirilən qrup oyunlarındakı rəqiblərdən biri ermənilər olub ki, təmsilçimiz onlara futzalın necə oynanıldığını başa salıb. Təmsilçilərimiz arasında ən çox “Araz” bu turnirdə çıxış edib. Elə ən yüksək nəticə də bu komandanın aktivindədi. Belə ki, “Araz” iki dəfə “Dördlər finalı”nın iştirakçısı olub, hər ikisində bürünc medal qazanıb. Yeri gəlmişkən, 2014-cü ildə “Dördlər finalı” Bakıda keçirilib. Onu da qeyd edək ki, UEFA kuboku 2018/2019-cu il mövsümündən etibarən UEFA Çempionlar Liqası adlanır. Turnirin yeni adla ilk qalibi Portuqaliya “Sportinq”i olub. Bu liqanın yeni mövsümündə ölkəmizi “Araz” təmsil edəcək.
Klublarımızın futzal üzrə UEFA kubokundakı nəticələrini diqqətinizə çatdırırıq:
-
Joze Alesio Da Silva püşkü dəyərləndirdi
Xəbər verdiyimiz kimi, UEFA Çempionlar Liqasının 2019/20-ci il mövsümünün püşkü atılıb. Bu turnirdəki təmsilçimiz əsas mərhələdə “Benfika” (Portuqaliya), “Halle Gooik” (Belçika) və “Xerson” (Ukrayna) klubları ilə Belçikada qarşılaşacaq. Bəs “Araz”ın baş məşqçisi Joze Alesio Da Silva nə düşünür rəqiblər haqda? Baş məşqçinin azfutzal.az-a açıqlamasını diqqətinizə çatdırırıq:
-
“...Mərhələ adlamaq üçün şansımız var”
Bu gün UEFA Çempionar Liqasında əsas mərhələnin püşkü atılıb və təmsilçimiz “Araz”ın rəqibləri müəyyənləşib. Oktyabrın 8-dən 13-dək keçiriləcək mərhələ qarşılaşmalarında təmsilçimiz “Benfika” (Portuqaliya), “Xerson” (Ukrayna) və “Halle Gooik” (Belçika) klubları ilə qarşılaşacaq. Belçikada təşkil ediləcək qrup oyunları ilə bağlı “Araz”ın qapıçısı Rövşən Hüseynli azfutzal.az saytına açıqlama verib:
-
“Araz”ın rəqibləri müəyyənləşib
Bu gün İsveçrənin Nyon şəhərində, UEFA-nın mənzil-qərargahında futzal üzrə Çempionlar Liqasının 2019-2020-ci il mövsümünün ilkin və əsas mərhələsinin püşkü atılıb.
-
İştirakçılar səbətlərə bölünüb
Xəbər verdiyimiz kimi, iyulun 4-də Nyon şəhərində, UEFA-nın mənzil-qərargahında Çempionlar Liqasının ilkin və əsas mərhələsinin püşkü atılacaq.
Əvvəlcədən də bildirildiyi kimi, 4 ölkə - İspaniya, Portuqaliya, Rusiya və Qazaxıstan hərəyə 2 təmsilçi ilə mübarizə aparacaq. Son qalib “Sportinq” də daxil olmaqla həmin 8 klub yüksək reytinqə malik olduqlarından, onlar əsas mərhələdən yarışa qoşulacaqlar.
