Azərbaycan Futzal Federasiyası

A MİLLİ

Millinin üzvü Belçika klubu ilə anlaşdı
Azərbaycan milli komandasının üzvü Eduardo Borges karyerasını Belçikanın “Halle Gooik” klubunda davam etdirəcək. Son 3 mövsümdə Fransanın “Acces Futsal” klubunun uğurları üçün çalışan müdafiəçi bu dəfə Belçikanın iddialı komandası ilə anlaşıb. O, qarşıdakı 1 ili bu komandanın heyətində keçirəcək.
Millinin hücumçusu Rusiya çempionu ilə anlaşdı
Azərbaycan milli komandasının üzvü Thaqo Bolinya karyerasını Rusiyanın “Tümen” klubunda davam etdirəcək. Buna qədər Norilskin “Nikel” klubunda çıxış edən hücumçu Rusiya çempionu ilə mövsümün sonuna qədər anlaşıb. O, yeni komandasına apreldə keçiriləcək UEFA Çempionlar Liqasının "Dördlər finalı"nda kömək edəcək.
İlklər...
Azərbaycan milli komandası indiyə qədər Rusiya yığmasını məğlub edə bilməmişdi. Yanvarın 30-da Qradsk Arena”da keçirilən matçın nəticəsi bir ilki tarixin səhifəsinə həkk etdi. 4:3 hesablı qələbə həm də bu komanda ilə duellərdəki uğursuzluğa son qoydu. Dünya futzalının liderlərindən olan Rusiya ilə indiyədək 8 qarşılaşma baş tutub. Təmsilçimizin ən böyük uğuru heç-heçə olub. 7 dəfə uduzan yığma dəfələrlə böyük hesabla darmadağına üzülüb. Bu dəfə isə Joze Alesionun yetirmələri tarixdə ilk dəfə belə güclü rəqibə qalib gəlib. Qeyd edək ki, əvvəlki 8 oyundan ikisi yoxlama oyunu, ikisi beynəlxalq turnirdə olubsa, 4 görüş rəsmi xarakterli böyük yarışların seçmə, final və pley-offuna təsadüf edib. Bir ilki də qeyd etmək yerinə düşərdi Rafael Vilela millinin heyətində rəsmi oyunlarda qol hesabını açdı. Belə ki, hücumçu Rusiya millisinin qapısına ilk qolu vurmaqla buna nail oldu. Vilelə 2017-ci ildə iranda təşkil edilən beynəlxalq turnirdə yığmamızın formasını geyinib. O, Rusiya, İran və Qazaxıstanla oyunların hamısında fərqlənmişdi.
Xorvatiya – Azərbaycan: Statistika
DÇ-2020-nin elit-raund mərhələsində ilk oyununu Xorvatiya yığmasına qarşı keçirəcək Azərbaycan millisi indiyə qədər mundialın seçmə mərhələsində bu komanda ilə 4 dəfə üz-üzə gəlib. Üç oyunda rəqib qələbə qazanıb. Son dueldə isə xallar yarı bölünüb.
“Komandam oyunlara 80 faiz hazırdır”
DÇ-2020-nın elit-raund mərhələsinə hazırlığını oyunların keçiriləcəyi Xorvatiyanın Osiek şəhərində davam etdirən futzal üzrə Azərbaycan milli komandasının baş məşqçisi Joze Alesio Da Silva affa.az və azfutzal.az saytlarına müsahibə verib.
Millinin oyunları canlı yayımlanacaq
Futzal üzrə Azərbaycan milli komandasının DÇ-2020-nin elit-raund mərhələsində keçirəcəyi oyunları CBC Sport kanalı vasitəsilə canlı yayımlanacaq.
Millinin məşqi. Xorvatiya (fotoreportaj)
DÇ-nın elit-raund mərhələsinə hazırlığını oyunların keçiriləcəyi Xorvatiyanın Osiek şəhərində davam etdirən futzal üzrə Azərbaycan millisinin məşqindən hazırlanmış fotoreportajı diqqətinizə çatdırırıq:
Millimiz Xorvatiyadadır (fotolar)
DÇ-2020-nin elit-raund mərhələsinə hazırlaşan Azərbaycan milli komandası bu gün oyunların keçiriləcəyi Xorvatiyaya yola düşüb. Bakı-İstanbul-Zaqreb reysi ilə adıçəkilən ölkənin paytaxtına yollanan futzalçılarımız oyunların keçiriləcəyi Osiek şəhərinə avtobusla gediblər. Komanda “Osiek” otelində məskunlaşıb və bu gün ilk məşqinə çıxacaq.