XƏBƏRLƏR
-
Statistika həvəskarları üçün
Klublarımızın avrokubok macərası 2001-ci ildən başlayır. İlk dəfə qitəmiqyaslı yarışa Turan AİR ayaq açıb. Qrupda keçirdiyi ilk oyunda məğlub olan Elman Ələkbərovun yetirmələri sonrakı iki oyunda qələbəyə sevinib. Maraqlıdır ki, İtaliyada keçirilən qrup oyunlarındakı rəqiblərdən biri ermənilər olub ki, təmsilçimiz onlara futzalın necə oynanıldığını başa salıb. Təmsilçilərimiz arasında ən çox “Araz” bu turnirdə çıxış edib. Elə ən yüksək nəticə də bu komandanın aktivindədir. Belə ki, “Araz” iki dəfə “Dördlər finalı”nın iştirakçısı olub, hər ikisində bürünc medal qazanıb. Yeri gəlmişkən, 2014-cü ildə “Dördlər finalı” Bakıda keçirilib. Onu da qeyd edək ki, UEFA kuboku 2018/2019-cu il mövsümündən etibarən UEFA Çempionlar Liqası adlanır. Turnirin yeni adla ilk qalibi Portuqaliya “Sportinq”i olub. Bu liqanın 2023-24-cü il mövsümündə ölkəmizi “Araz-Naxçıvan” təmsil edəcək. Komandamız mübarizəyə ilkin mərhələdən başlayacaq. Avqustun 22-dən 27-dək Latviyada keçiriləcək qrup oyunlarında “Araz-Naxçıvan”ın rəqibləri “Riqa” (Latviya), “Jahn Regensburq” (Almaniya) və “İstanbul Şişli” (Türkiyə) olacaq.
Klublarımızın futzal üzrə UEFA Çempionlar Liqasındakı nəticələrini diqqətinizə çatdırırıq:
-
“Araz-Naxçıvan”ın ilk transferi
UEFA Çempionlar Liqasında iştirak edəcək “Araz-Naxçıvan” heyətini gücləndirmək istiqamətində çalışmalara başlayıb.
-
“Konkret tapşırığımız var”
UEFA Çempionlar Liqasında iştirak edəcək “Araz-Naxçıvan”ın rəqibləri müəyyənləşib. Mübarizəyə ilkin mərhələdən başlayacaq təmsilçimiz Riqa (Latviya), Jahn Regensburq (Almaniya) və İstanbul Şişli (Türkiyə) komandaları ilə qarşılaşacaq. A qrupunun oyunları Latviyada keçiriləcək. Püşklə bağlı baş məşqçi Vitali Borisov azfutzal.az-a açıqlama verib:
-
“Araz-Naxçıvan”ın rəqibləri müəyyənləşib
Bu gün İsveçrənin Nyon şəhərində UEFA Çempionlar Liqasının 2023/24-cü il mövsümünün püşkü atılıb. Bu turnirdə ölkəmizi təmsil edəcək və mübarizəyə ilkin mərhələdən başlayacaq son çempion “Araz-Naxçıvan”ın rəqibləri müəyyənləşib. Komandamız A qrupda yer alacaq. Bu mərhələnin oyunları avqustun 22-dən 27-dək Latviyada keçiriləcək. Əsas mərhələyə qrup qalibləri və ən yaxşı göstəriciyə malik ikinci pilləni tutan 1 komanda vəsiqə qazanacaq.
-
Millinin hücumçusu “Anderlext”də
Azərbaycan millisinin üzvü Rafael Vilela karyerasını Belçika çempionu “Anderlext”də davam etdirəcək. 30 yaşlı hücumçu ilə 1 illik müqavilə imzalanıb. Vilela son mövsümü Rusiyanın “Tümen” komandasında keçirib.
-
Təmsilçimiz bu komandalarla qarşılaşmayacaq
Xəbər verdiyimiz kimi, UEFA Çempionlar Liqasının 2023/24-cü il mövsümündə ölkəmizi təmsil edəcək və mübarizəyə ilkin mərhələdən start verəcək “Araz-Naxçıvan”ın rəqibləri iyulun 5-də məlum olacaq.
-
“Araz-Naxçıvan” mübarizəyə ilkin mərhələdən başlayacaq
UEFA Çempionlar Liqasının 2023/24-cü il mövsümünün püşkatma tarixi, eləcə də reqlamenti açıqlanıb. 51 ölkəni təmsil edən 55 klub qalib adı uğrunda mübarizə aparacaq. İlkin və əsas mərhələnin püşkü iyulun 5-də atılacaq.
-
Final mərhələsinin məkanı müəyyənləşib
Futzal üzrə dünya çempionatının final mərhələsinin keçiriləcəyi ölkə müəyyənləşib. Gələn il sayca 10-cü dəfə təşkil olunacaq bu mərhələyə Özbəkistan evsahibliyi edəcək. Bununla bağlı FİFA bu gün qərar qəbul edib. 24 komandanın iştirak edəcəyi final mərhələsinin matçları 2024-cü il sentyabrın 14-dən oktyabrın 6-dək keçiriləcək.
