Azərbaycan Futzal Federasiyası

LİQALAR

Serbiya millisinin üzvü “Araz-Naxçıvan”da
UEFA Çempionlar Liqasının hazırlığını davam etdirən “Araz-Naxçıvan” təlim-məşq toplanışı davam etdirir. Komanda bugündən etibarən hoteldə məskunlaşıb və fiziki ağırlıqlı yükləmələrə start verib. Gündə 2 dəfə hazırlıq keçən “qırmızı-ağlar” heyətini də komplektləşdirməyə çalışır. Son çempion bu dəfə Serbiya millisinin üzvü ilə anlaşıb. Marko Prşiç yeni mövsümdə “Araz-Naxçıvan”ın uğurları üçün tər tökəcək. Yeri gəlmişkən, 33 yaşlı müdafiəçi ilə “Araz-Naxçıvan”ın baş məşqçisi Vitali Borisov vaxtı ilə Serbiyanın “Ekonomaç” klubunda birgə çıxış ediblər. Futzalçının sonuncu klubu Küveyt “Al Arabi”si olub.
Braziliyalı müdafiəçi “Araz-Naxçıvan”da
Avqustun 21-də UEFA Çempionlar Liqasının ilkin mərhələsində ilk matçına çıxacaq “Araz-Naxçıvan” növbəti transferini reallaşdırıb. Caique Aledes De Oliveyra qarşıdakı mövsümdə “qırmızı-ağlar”ın formasını geyinəcək. 30 yaşlı braziliyalı müdafiəçi Qazaxıstanın “Jetısu” klubunda çıxış edib.
“Araz-Naxçıvan”dan növbəti transfer
“Araz-Naxçıvan” transfer çalışmalarını davam etdirir. Ölkə çempionu bu dəfə serb futzalçı ilə anlaşıb. Söhbət Serbiya millisinin də üzvü Lazar Milosavljeviçdən gedir.
Onlarla yeni müqavilə imzalandı
YL, XX tur: Araz-Naxçıvan - U-19 (fotoreportaj)
Yüksək Liqanın mükafatlandırılması (video)
Birinci Liqa, mükafatlandırma: Fotoreportaj
“Bakı” Birinci Liqanın qalibi oldu
Birinci Liqada XXII turun oyunları keçirilib. Mövsümün son turunun matçları həm də qalibin və digər medalçıların adlarına aydınlıq gətirəcəkdi. Ötən həftə turnir cədvəlinin zirvəsinə yüksələn “Bakı” son dueldən də böyükhesablı qələbə ilə ayrılmaqla qızıl medallara sahib çıxıb. PFL və “Baku Fire-2” müvafiq olaraq gümüş və bürünc medalları qazanıb. Oyunlar başa çatdıqdan sonra mükafatlandırma mərasimi keçirilib. Əvvəlcə “Xan-Lənkəran” – PFL matçın hakim-inspektoru Azad Hüseynov və hakimləri – Əli Cəbrayılov, Ceyhun Hüseynov və Hidayət Feyzullayevə diplomlar təqdim olunub. PFL-dən Nicat Qafarlı ən yaxşı oyunçu, “Bakı”dan Elmar Qasımov ən yaxşı qapıçı, Tahir Məcidov (Baku Fire-2) ən yaxşı baş məşqçi seçilib. 62 qol vuran Emin Cəbrayılov (“Şuşa”) yarışın ən məhsuldar oyunçusu olub. Federasiyanın əməkdaşları Xosrov Məmmədov və Həsən Əliyev tərəfindən “Baku Fire-2”yə bürünc, PFL-ə gümüş, “Bakı”ya qızıl medallar və çempionluq kuboku təqdim edilib.