Azərbaycan Futzal Federasiyası

LİQALAR

"Baku Fire" qış fasiləsinə zirvədə yollandı
Bu gün Yüksək Liqada VIII turun oyunları keçirilib. Olimpik Starda Bakı-Qroznı reysini yerinə yetirən Azərbaycan Hava Yollarına məxsus sərnişin təyyarəsinin Aktau şəhəri yaxınlığında qəzaya uğraması nəticəsində çoxsaylı insan tələfatı ilə əlaqədar bir dəqiqəlik sükut elan olunub. Son çempionla debütantın dueli “qırmızı-ağlar”ın böyükhesablı qələbəsi ilə yekunlaşıb. İkinci oyun daha məhsuldar olub. “Neftçi”nin heyətində Namiq Məmmədkərimov və Vahib Xocayev hərəyə 5 qol vurmaqla yadda qalıb. Yüksək Liqada ilin son matçı liderin inamlı qələbəsi ilə başa çatıb və “Baku Fire” tarixində ilk dəfə qış fasiləsinə turnir cədvəlinin zirvəsində yollanıb. Bu dəfə 4 qol vuran İaqo Henrique bombardirlər yarışında vəziyyətini bir qədər yaxşılaşdırıb.
Bu gün Yüksək Liqa, VIII tur
Bu gün Yüksək Liqada VIII turun oyunları keçiriləcək. Olimpik Starda baş tutacaq görüşlərdən əvvəl Bakı-Qroznı reysini yerinə yetirən “Embraer 190” tipli sərnişin təyyarəsinin Aktau şəhəri yaxınlığında qəzaya uğraması nəticəsində çoxsaylı insan tələfatı ilə əlaqədar 1 dəqiqəlik sükut elan olunacaq.
YL, VII tur: U-19 - Neftçi İK (fotoreportaj)
YL, VII tur: Şuşa - Baku Fire 2:7 (fotoreportaj)
Yüksək Liqa, VIII tur: Oyun cədvəli
Yüksək Liqada VIII turun oyun cədvəli açıqlanıb. İlin son turunun oyunları dekabrın 26-da, Olimpik Starda keçiriləcək.
Yüksək Liqa: Sarı vərəqələr
Yüksək Liqada VII turdan sonra sarı vərəqələrin göstəricisi açıqlanıb. İki futzalçı növbəti oyunda komandasına kömək edə bilməyəcək.
YL, VII tur: Yasamal Bakı - Araz-Naxçıvan 2:21 (fotolar)
Qonaqların qələbə günü
Bu gün Yüksək Liqada VII turun oyunları keçirilib. Olimpik Starda əvvəlcə autsayder “Yasamal Bakı” ilə “Araz-Naxçıvan” üz-üzə gəlib. “Qırmızı-ağlar” üçün məşq xarakteri daşıyan oyuna komandanı baş məşqçi kimi Ağakərim Həsənov çıxarmışdı. Son çempion fasiləyə qədər rəqib qapısından 15 cavabsız top keçirib. Hücumlarını ikinci hissədə də davam etdirən “Araz-Naxçıvan” böyükhesablı qələbəyə sevinib. Matçın gedişində hər iki komanda meydanda azlıqda qalıb. “Araz-Naxçıvan”dan Xəzər Ağalızadə, “Yasamal Bakı”dan isə Anar İsayev qırmızı vərəqə alaraq meydanı erkən tərk edib. Turun ikinci qarşılaşmasını mərkəzi oyun da adlandırmaq olardı. Hesabı lider açsa da, 13-cü dəqiqədə status-kvo bərpa olunub. Amma bu uzun çəkməyib. Çempionluq uğrunda yarışan “narıncılar” ardıcıl qollar vurmaqla üstünlük qazanıb və xal ehtiyatını artırıb. Son matçda da sensasiya baş verməyib. U-19 müqavimət göstərməyə çalışsa da, təcrübəli futzalçılardan qurulan “Neftçi” böyükhesablı qələbəsini təmin edib.